2026 жылғы 9 қыркүйекте мектебімізде 9 және 11-сынып оқушыларының ата-аналарына арналған жалпы мектептік ата-аналар жиналысы өтті.

Жиналыс барысында бітіруші сынып оқушыларын алдағы қорытынды аттестаттауға дайындау және оқу сапасын арттыруға байланысты маңызды мәселелер қарастырылды.

Жиында келесі мәселелер талқыланды:

* 9 және 11-сынып оқушыларының қорытынды аттестаттауының негізгі талаптары мен дайындық тәртібі;

* бітірушілердің білім сапасын арттыру жолдары;

* оқушылардың оқу мотивациясы және оның төмендеу себептері;

* оқушының оқу мотивациясын арттыруда мектеп пен отбасының бірлескен жұмысы;

* 9 және 11-сынып оқушыларымен жүргізілетін тәрбие жұмысы;

* емтиханға психологиялық дайындық, алаңдаушылықтың алдын алу және балаға қолдау көрсету;

* емтихан кезеңінде ата-аналардың дұрыс ұстанымы;

* «ата-ана – сынып жетекшісі – пән мұғалімі – мектеп әкімшілігі» арасындағы тиімді өзара байланысты ұйымдастыру.

Жиналыс барысында мектеп пен ата-ананың бірлескен жұмысының маңыздылығына ерекше назар аударылды. Балаларға емтихан кезеңінде қолдау көрсетіп, олардың өз күшіне деген сенімін арттыру – баршамызға ортақ міндет.